كل كلام الشعر وصف العشاق
وصف تنهيدة العاشق أخر الليل في لحظة أشتياق
وصف القلب لما م الوجع أنشق
وصف صوت الكرامة لحظت فراق لما بنكابر وبنقول لا
وصف كل حاجه حتي رعشة إيدينا ودموعنا
الي بترفض تنزل واحنا بنفارق
العله مش في الجرح ولا في الفراق
ولا حتي في الي فارق
العله في بهتان القلب
العله في الدبلان من كثرة الخذلان
من وعد فلان وصاحب خان واخ جبان
العله في القلب مش وجع خاااالص
القلب بقا كسلان عايش حالة لا مبالاة
بيبتسم للحبيبه ويقول كنت بعمل كده زمان
كنا بنسهر كنا بنضحك كنا أخر أنسجام
ويعدي ويمشي عادي ويهز راسه ويبتسم
ويقول والله حتي ما فاكر باقي التفاصيل دفنتها يوم الرحيل
كان اول واحد بلجأ له بقي أخر واحد ممكن أفكر اشتاق له
البركة في القسوة دي الانثي لو عاشقة بتوهبك حياة
لكن ما بتشتري خاطر قلب حست أذاه
متتغروش بالشوق ولهفة البدايات
ونصيحه مني ليك ياعاشق ياولهان لو لابد من الفراق خليه بحب وخد بالك من الكلام
ولا تعمل فيها بطل وادالفراق ولا فارق معاك اهتمام
مكابرتك وقسوتك بتبدل مكانك و معزتك
والوجع لو صاب الكرامه بيخلق مرض ماله علاج
دواه الوحيد نسيانك واعتزال أذاك
العله مبتبقاش في الفراق ولا في انك مفارق
ولا في الكام ذكري الي سيبهم
كله بيتنسي بالوقت
العله بتبقا في البهتان الي بيصيب القلب
في الكوخ المظلم الي بيتربع في قلوبنا
يشبه شبورة في طوبه مستنيه فصل ربيع
حتي الفنانين والشعراء عجزو عن وصف التعبير
فخدها مني نصيحه حافظ علي ربيع قلبك من البهتان
إرسال تعليق