متابعة : يوسف زيدان
محمد الشناوى كالعادة بطولة عالمية للتاريخ لأي حارس عربي أو إفريقي، ماتش مافيش فيه أي شيء يستحق الإشادة إلا مستوى حارس إفريقيا الأول اللي لو مش موجود في الماتش ده كان محتمل منتخب البرازيل يفوز ٣ أو ٤.
زي ما كان أفضل لاعب في منتخب مصر في كأس العالم ٢٠١٨، و زي ما كان أفضل لاعب مع الأهلي في كأس العالم للأندية ٢٠٢٠، فهو أفضل لاعب مع منتخب مصر في أولمبياد طوكيو ٢٠٢٠، الشناوي دائماً يصنع التاريخ في البطولات العالمية.
علي معلول يسجِّل في التَّرجِّي التُّونسي، يسجِّل في الوداد المغربي، يسجِّل في النَّجم السَّاحلي التُّونسي، يسجِّل في صن داونز الجنوب إفريقي، يسجِّل في الزَّمالك، و حتَّى و هو في الصَّفاقسي سجَّل في الأهلي، مافيش فريق من كبار فرق إفريقيا إلَّا و سجَّل فيه الظهير الأيسر التَّاريخي علي معلول ده غير صناعة الأهداف، لك أن تتخيَّل إن علي معلول واحد من هدَّافي العالم في آخر ١٠ سنين كمدافع، إنت بتتكلِّم عن ظهير هو الأفضل في فريق الأهلي بشكل عام في آخر ٥ مواسم.
علي معلول بالنِّسبة لي مش مجرَّد لاعب محترف في الأهلي ده
واحد من أفضل لاعبي الأهلي على مدار تاريخه، دوري ٢٠١٩ بالنِّسبة لي ممكن لو ليه إسم
يبقى إسمه دوري علي معلول، دوري أبطال إفريقيا ٢٠٢٠ كان هو أفضل لاعب في الأهلي فيه
بالتَّساوي مع محمَّد الشِّنَّاوي، مافيش بطولة فاز بها الأهلي من ٢٠١٦ إلَّا و كان
من أهم اللَّاعبين فيها، بمشيئة اللَّه تكمل بدوري الأبطال ال٢ ليك مع الأهلي، بنحب
علي معلول.
إرسال تعليق