القصة الكاملة بالصور ..نجلاء ضحية غدر الصديق بكفر الدوار
على صفحة الفيس من ( اذا اتاكم خبر موتى فتصدقوا عليا بنصف تمرة )
والد نجلاء:اريد اعدام الثلاثة فى ميدان عام – لم ناخد عزاء – سنقيم الافراح بعد القصاص
والدة نجلاء : نجلاء بتحب الخير وعمرها ما اذت حد - نجلاء لبست اللى قتلتها الجزمة يوم خطبتها واشترت لها محمول هدية لسة بتدفع اقساطه
المحامى اسامة بدوى عم القتيلة : نجلاء تعرضت للخنق والطعنات والضرب المبرح والجريمة مجهزلها
.. ثريا واصدقاءها ابرياء من دماء نجلاء
حوار :سعد زيدان
احذر من العدومرة ومن الصديق الف مرة فلربما انقلب الصديق فكان اعلم بالمضرة
نجلاء ضحيه الغدر ... نورهان دبرت لقتلها واستعانت بقريبها وصديقه للتخلص منها وسرقتها
شهدت مدينه كفرالدوار منذ ايام فاجعه كبري بعد ان وصل الي الجميع خبر مقتل ابنه ال ٢٣ عام ابنه العمل الخيري طيبه الخلق فاعله الخير ...
وعلي الفور انتقلت قوات الأمن إلى مكان الحادث لمعاينة الواقعة بالفحص تبين مصرع " نجلاء نعمة الله بدوى"، ٢٥ سنة، داخل عيادة رمد بشارع بورسعيد بكفر الدوار .
ووجه مدير أمن البحيرة بتشكيل فريق من ضباط البحث الجنائي لسرعة كشف غموض الواقعة وضبط مرتكبيها .
و بتوسيع دائرة الاشتباه والفحص تبين أن وراء الحادث صديقتها وتدعي "نورهان" والشهر " نور " وإثنين آخرين أحدهم من أقارب المتهمة يدعي "محمد" وصديقة "أحمد" مقيمين بمركز كفر الدوار بدافع السرقة و الانتقام من المجني عليها لرغبه صديقتها في العمل بدلا منها في العياده وسرقتها ،
... وبتقنين الأجراءات تم القبض عليهم ....
واعترفت المتهمة الأولى ، في التحقيقات أنها ارتكبت الجريمة بدافع السرقة و الانتقام ، موضحة إنها أثناء أداء المجني عليها الامتحانات بالكلية كانت تقوم بأعمالها فـي العيادة ،
و لرغبتها في الاستمرار بالعمل بالعيادة بدلاً منها قررت التخلص منها بقتلها، بالإضافة إلى سرقتها
وفي سبيل ذلك استعانت باثنين من أقاربها من دائره مركز كفرالدوار ذات بلدتها لارتكاب الواقعة نظير مبلغ مالي لكلاً منهما ،
حرام عليكى حوشي_عنى " ... صرخات المجنى عليها لصديقتها التى لم ترحمها حيث تبين من التحريات أن صديقة المجني عليها هي التي رتبت للجريمة وخططت لها،
وجلست قبل ارتكابها بربع ساعة مع المجني عليها ، التي أحضرت لها كوبًا من العصير ،
وجلستا تتبادلان الحديث ، ثم أرسلت لصديقيها رسالة بأن العيادة خالية فتوجها إليها وقامت صديقة المجني عليها بمغافلتها بحجة أنها ستتحدث معها في موضوع خاص بينما قام المتهمان،
اللذان ادعيا أنهما مرضى ، بمحاولة سرقة الإيراد، فاكتشفت المجني عليها ذلك وحاولت الصراخ .
واكدت اعترافات المتهمين انهم قاموا بتكميم فمها بينما كانت المتهمة تستغيث بصديقتها قائلة لها : "حرام عليكي .. حوشى عني" ،
لكنها أشارت إلى أحد المتهمين الذى قام بخنق المجنى عليها بعد ان قامو بضربها بقوه على رأسها الى ان اودو بحياتها وفرو هاربين
تم ضبط المتهمين وتم اتخاذ الإجراءات القانونية والعرض على النيابة العامة لأتخاذ شؤونها وسماع شهاده الشهود من اصدقاء والمقربين من المجني عليها
وانتقلت اخبار الحوادث الى بيت القنيلة واسرتها
يقول الحاج نعمة الله بدوى والد القتيلة
نجلاء خلصت امتحانات كلية التجارة مجتهدة وبتحب فعل الخير ومعاها معهد تمريض وشغاله سكرتيرة عند الدكتور عبد الحميد فى سفير مول دكتور عيون منحب الناس فيها وامانتها الدكتور مسكها العيادة وكل شىء فى العيادة وكان بيسيب معاها ايردات العيادة بالاسبوعين والشهر لانه عنده عيادة كمان فى الاسكندرية وكانت بشوشة وتحضر فاعليات للايتام مع صوت كفر الدوار وكانت وهبه نفسها لعمل الخير
يوم الثلاثاء يوم الحادث
راحت الشغل طلعت من البيت الساعة 11 صباحا راحت شغلها فؤجئت باختها اسماء بعد الساعة 12 كلمتها لانها كانت جاية زيارة عندنا هى وجوزها وكنا بنجهز الغداء اختها اللى جاية فى الطريق جالها اتصال من المول الحقى اختك بتموت
فكرت البنت بتتصل باختها عشان تيجىمعانا ترجب باختها وجوزها وحتتغدى معانا
وكلمتنى اختها بعدما جرت على المول يا بابا تعالى بسرعة نجلاء اتقتلت
خدنا بعضنا وجرينا على المول لقينا الدنيا مقلوبه وصلت العيادة لقيت الحكومةكلها هناك عايز اشوف بنتى
الناس هدونى واتصلوا بالاسعاف بعد ما خلصوا المعاينة
وطلعوا بيها فى كيس على نقالة وركبت الاسعاف وروحنا مستشفى كفر الدوار العام ودخلت الثلاجة وركبنا وروحنا القسم وعملت المباحث تحريات معايا ومع اخواتها وهى لها اختين بنتين وولدين .
انا محضرتش دفنة بنتى الناس كلها حضرت الجنازة وانا لا ناس فى تنزانيا عملوا لبنتى صدقة جارية وناس عملوا لها عمرة
اطالب بالقصاص العادل لنجلاء وهو اعدامهم فى مكان عام الثلاثة
وتقول والدة نجلاء تسبقها الدموع نجلاء خيرة صلاة وصوم وادب كانت بتشرب وتوكل صاحبتها نورهان اللى قتلتها وكانت بتنام عندنا يو م خطوبة نورهان كنا معزومين ولبستها الجزمة وجابت لها محمول هدية لسة بتدفع اقساده
فىناس دبحوا دبايح على روح بنتى وناس عملوا لها عمرة
انا عايزةاشوفهم مشنوقين قدامى
حرام عليكى بنتى عملت ايه دى عملت معاكى كل خير
ربنا هو العدل ربنا هو العدل ربنا هو العدل
ويضيف عمها اسامة بدوى المحامى عم القتيلة
انا باشكر محامى البحيرة وخاصة محامى كفر الدوار على العون وكمية الاتصالات وكل المحامين احنا معاك وفى ضهرك
وقررنا نشكل فريق من المحامين انا والاستاذ هيثم عبد العزيز والعديد من الاخوة المحامين وحنجيب باذن الله حق المرحومة نجلاء
سمعنا بالوفاه ولقينا اتصال من المباحث بنتكم متوفية فى سفير مول شفنا المتوفية وخدنا الجثة وروحنا بيها الطب الشرعى بدمنهور
وكشف الطب الشرعى فى تقريره ان المتوفية نجلاء تعرضت للخنق وتعرضت للضرب المبرح فى الراس من الخلف كما تعرضت لطعنات نافذة بالفخدين الايمن والايسر وكل هذا يدل ان الجريمة مجهز لها
وعلمنا انها كانت معها المتهمة نورهان فى محل عملها فى العيادة وهى تعلم كل العلم بميعاد الشغل وميعاد وجود المرضى حتى الاموال المتحصلة من العيادة
نجلاء كانت معها الايراد اسبوعيا لحين الجرد مع الدكتور كل خميس مثلا والمتهمة تعلم ذلك والمتهمة عارفة كل حاجة عن العيادة لانها كانت شغالة فيها قبلها
وتعلم كل شىء عن العيادةوالعيادات المجاورة تشتغل امتى وتقفل امتى والدكاترة بتيجى امتى
والاتنين المتهمين اللى اتصلت جابتهم يدخلوا كمرضى ويسرقوا الايراد والفلوس اللى معاها دخلوا المول اكثر من عشرين مرةحسب الكاميرات وتفريغها وعرف الامن ذلك من يوم الواقعة
وعرفوا الشخصين وان لهم يد فى الواقعة وبعد قيام رجال المباحث بالفحص والبحث الجنائى تبين ان النتهمين نورهان وشخصين معها كما تبين من صفحة نجلاء على الفيس بوك
ان نورهان قالت لها سوف اتى اليكى نفس توقيت الجريمة
يضيف هيثم عبد العزيز المحامى
مجاورين العيادة من الممرضات قاموا بالسلام على نورهان
واليوم نورهان والمتهمان الاثنين امام النيابة وما زال التحقيق مستمر وكل ما نطلبه القصاص وحق نجلاء
ويضيف عم القتيلة رجب بدوى
نجلاء طيبة وخيرة وعملت خير مع البنت دى ياما يوم فرحها وبعديه وفى ناس عملت عمرة لنجلاء وناس دبحوا على روحها وكانت بنتى وحبيبتى كانت بتجيب حاجات للغلابة
من شغلها توزعها عليهم
ويضيف عمها عرفة بدوى مشفتش نجلاء من شهرين كنت جايب لها عريس قالتلى سبنى براحتى لما اخلص الكلية بنت كلها شهامة اتنفاجئت بخبر موتها
واحنا رايحين المول قابلنا راجل من عندنا جارنا بيسال فى ايه قلنا له نجلاء اتقتلت قال لسة محودة عليا اعطتنى قسط التليفون وعلى فكرة التليفون ده كانت شرياه على حسابها للى قتلتها
بندخل على صفحة نجلاء كاتبة قبل موتها بثلاثة ايام
(اذا اتاكم خبر موتى فتصدقوا عليا بنصف تمرة )
نجلاء كانت بتمشى فى شنطتها لعب اطفال وعلى فكرة يوم ما اتقتلت كان معها ايراد العيادة اسبوع و قابضة جمعية ومعاها تليفون غالى بتاعها ولابسة دهب اتخلع منها عايزين القصاص العادل
نجلاء اتقتلت فى افخم مكان فى كفر الدوار فين الحراسة الحماية
وتضيف صديقتها ايه كل اللى يعرفها وميعرفهاش لازم يحبهاولازم حقها يجى نطالب باعدام الثلاثة فى مكان عام
نجلاء لبست القاتلةجزمتها يوم خطوبتها اللى قتلتها كانت بتلبسها هدومها الاعدام اقل حاجة للتلاته.
تم تصوير جنائي لواقعه مقتل نجلاء بمكان الواقعه من المتهمين بمعرفه النيابه الغامه ...
المتهمين قامو بالاعتراف تفصيلي امام النيابه
إرسال تعليق