نادي ألعاب دمنهور علي صفيح ساخن ،ما بين الحلم والواقع والمستقبل

 كتبت : نهال العلقامى

زمان قالوا هم يبكي وهم يفرح،وده حال نادي ألعاب دمنهور هذه الأيام ،كل المجلس القديم ،منهم من شعر بالتوبة وبالخطأ الشديد الذي يتمني الله يغفره ومنهم من راي إن صمته عن الكلام ،هو صمت الحملان للوقت المناسب ،ومنهم ارتدي ثوب البراءه ويدعم موقفه بالانسحاب ،ولكن المشكلة إن الجمعيه العموميه لديها من المواقف والادله والاسانيد ،ما تشيب له رأس الغلام ،والله إحنا عارفين ،وكمان واعيين ،وع قدر تقديرنا للمجلس القديم ،لكن تعبنا من التسويف ،والمجاملات .

ده في حاله طهاره الزمه واليد ،لكم من المتقدمين ،سواء الجدد ،أو القدامي ،أحب أوصل ليكم روشتة بسيطه ،هو إحنا من نادي سموحه ؟ أكيد لا ،يبقى إللي حصل أمس ف انتخابات سموحه هو نوع واحد من العلاج ،ليس مسكن ،ولا مطهر ،بل تعديل لمصلحة النادي ،يعني التعديل بإختيار القادم يبقي بسؤال مباشر للمرشح ،إنت هتعالج النادي إزاي ،وايه امكانياتك للاصلاح مش بالكلام أنا شايفه من نقاشي مع مرشحين أمس ،إن من لديه العلاقات التي تحقق الافكار والأحلام لتطبيقها وتفعيلها. 

ومن هنا دراسة إمكانيات المرشح مع خطه اصلاحه الجديدة هامه جدا ،متقولش هعمل وهعمل قول إزاى هعمل ،ومين هيساعد في ده وازاى ،عن طريق رعاه ،أو مؤسسات كبيره ،أو علاقات شخصيه عايزه تقدم له مساعده ،كفايه تلصص علي النادي كفايه أمور خلف الكواليس نعرفها بالارقام ،كفايه تسجيل مكالمات لبعض ،كفايه قعدات السهر إللي بتحدد مصائر النادي فيها ،العزبه بتاعه بابا والوسيه عايزه تشم هوا نظيف وتقعد علي كرسي كويس ،وتمارس لعبه ،وتدخل حمام آدمي ،ولا تطلع رحله محترمه ،وتاكل وجبه بسعر معقول والله إحنا مش أقل من حد ،إحنا كبار قوي