بنعدي ايامنا
مش كل حاجة بنعشها نقدر نعبر عنها
ولا كل حاجة بنحسها نقدر نبينها
حاجات كتير جوانا بنداريها بعيونا
لانقدر نحكى بيها ولا نقول عنها
جوا قلوبنا ناس وهي بعيده عنا
كاتمين في قلوبنا بحور مليئه باحزانا
وبرغم كل أوجاعنا بنعدي ايامنا
جبل هموم جوانا بيشتكي بنارنا
واقول هاتي يادنيا وزيدي أوجاعنا
أيام وبتعدي والشوق فاض بينا
واحكي له ويخبي عن سهر ليالينا
شاغلنا كل ليله وبعيد عن عنينا
انده عليه وابكي أتاريه مش لينا
وافتكر يوم لقانا والوحده قتلنا
وكل واحد فينا الدنيا وخدانا
هاتي كمان يادنيا وزيدي اوجاعنا
عايشين حياتنا وراضين بحالنا
سيبونا ياناس نعدي ايامنا
لاطريقي كان طريقه ولا حتي امالنا
وتحتار ليه ياقلبي ماهو مش لينا
كمل طريقك وابعد بلاش تاذينا
خليه بطريق اختاره مايحن يوم لينا
اياك ياقلبي تظلم ناس قبلينا
إرسال تعليق