كنت حابب احكيلكم على تجربه مريت بيها وتقريبا اغلب الناس
بتعانى منها وهى التنمر وعدم الثقه
الصورة اللى على اليمين دى انا واللى على الشمال برضه انا
بس اللى ع اليمين كان تقريبا مكنش عايش كنت كل همى اكل واشرب
وانام فضلت كدة لحد ما فات افضل سنين من حياتي اللى كنت اقدر اعيش فيهم حياتى زى اى
شاب انا كنت 190 ك كنت عايش ميت اتحرمت من حاجات كتير ودة كان بسبب السمنه اللى كنت
بعانى منها اتحرمت من انى البس زى اى شاب واخرج واتفسح مع صحابى اتحرمت من ان اتحب
واحب بسبب عدم الثقه
تعرضت للتنمر كتير كتير اوى بس كنت باخد اى تنمر بضحك وهزار
عشان اللى قدامى ميحسش انه هزمنى بكلامه
بس كنت بقعد مع نفسي وافتكر كلامهم عليا وتنمرهم كنت ببكى
مع نفسي اتحرمت من اروح فرح اخواتى هربت اليوم دة عشان كنت بتحرج من شكلى مكنش …
الصورة اللى على الشمال دى بعد ما اتولدت من جديد ايوة انا
بعتبر نفسي عندى سنه مش 33 سنه لان دى اول سنه من حياتى اعيش فيها
يوم 4/1/2021 قررت ان اعمل رچيم خدت قرار مع نفسي بعد ما
حولت كل الطاقه السلبيه والتنمر لطاقه ايجابيه وقولت لنفسي ان لازم اتغير واثبت للناس
كلها ان اقدر اعمل اى حاجه واصعب حاجه واثبت لكل واحد اتريق عليا ف يوم من الايام انى
احسن منه
بدات وخدت خطوة وقعدت مع نفسي احسبلها همشي ازاى وقولت لازم
الانجاز يكونو اتنين ان اوصل للوزن المثالى فى خلال سنه ومش بس كدة دة من غير عمليات
ومن غير دكاترة ومن غير ادويه كمان دخلت تحدى مع نفسي عشان صحتى وحياتى قررت ادخل واقرى
السعرات فى كل الاكل وازاى همشي واحدة واحدة عشان اقدر اكمل المشوار انا كنت قبل الدايت
وكدة كنت بفطر بخمسه ارغفه عيش كنت باكل كل حاجه في الدنيا فقررت اقلل واحدة واحدة
ومنعت كل حاجه جسمى مش هيستفيد بيها والحمد لله فضلت سنه مواصل مشوارى لحد يوم
4/1/2022 ونزلت بوست بصورتى قبل وبعد والحمد لله فخور جدا باللى وصلتله مبسوط اوى ودايما
بحمد ربنا بدات البس واخرج واسافر واعيش حياتى بقت الناس توقفنى وتسلم عليا وتقولى
مبروك وسبحان الله هما اغلبهم كانو بيتريقو عليا زمان وبعض الناس معرفتنيش ولا مصدقه وقى يوم قبل العيد دخلت محل ملابس اشترى تيشرت لقيته
بيقول قيس دة ببص لاقيته مقاس xl
مبقتش مصدق واقف ف المحل مذهول مش عارف هو انا فعلا هقيس
دة ولا دة حلم ولا ايه بقيت بجرى واطلع اى سلالم من غير ما انهج بقيت احب واتحب بقيت
اروح اى مناسبه ب اشيك طقم الثقه رجعتلى تانى كل حاجه جميله اتحرمت منها بقيت بحسها
واعيشها ومبقاش فى حاجه على لسانى غير كلمه الحمد لله الحمد لله
وبعدها قررت انى
اقف جمب اى حد نفسه يخس ويلحق نفسه وانا مش دكتور ولا عمرى هوصل للى وصله اى دكتور
بس انا عندى تجربه وبوصلها للى نفسه يخس وبدون اى مقابل دة وعد خدته قدام ربنا لان
ربنا ادانى نعمه كبيرة اوى اوى وخلانى وصلت لكدة
وانا تحت امر اى حد هو نفسه يسمع منى ازاى بدات وازاى فضلت
مكمل ووصلت لهدفى
إرسال تعليق