سنده جميل....
سنده جميل وجواه ليك حب كبير
لو كنت فقير أو ابن أمير القلب واحد ف الحالتين وااسع ويشيل
شايلك بعيوبك قبل ميزاتك
قابلك ع بعضك في كل حالاتك
راضي يشيل عنك شيلتك راضي يكونلك بيتك عيلتك
ويحلم بدالك أمنيتك ,ويفرشلك أرضك ويرسملك سماك
يحاوطك بسور خوفه وكَدُه وتعبه وسهره وشقاه
لجل بس تكون إنسان ناجح جواك مليان راضي وشبعان
مين يذكرلك عيبك في وشك وفي ضهرك يحكي ويحسن في صفاتك
يلومك هو علي تقصيرك بس في ضهرك يذكرخيرك
حافظك وعارف تفاصيلك يدعي يوماتي رب الكون لجل تكون أحسن الناس وأحسن منه .
صاحي يخطط للمستقبل نايم يحلم ازاي يقدر يخلقلك بكره أجمل .
هو في ضهرك لو الدنيا عليك تميل
هو في وشك عنك يشيل الحمل لو كان تقيل
هو جنبك صاحب جدع وأصيل
هو ضميرك لو شيطانك ساقك
هو في السبق حصان سباقك
أبويا انت الدنيا بخيرها ,انت أصلا صانع خيرها
انت الجنه علي أرضي
انت صاين شرفي وعرضي
وحدك تملك طولي وعرضي
انت الوتد اللي ساندني
انت النور اللي راشدني
حظ الدنيا اللي واعدني يلازمني لآخر مشواري
هورث ايه منك ياجميل حسن الطبع ولا الهمه ولا حفظ الجِميل
هورث سيطك وسط الناس سيرتك تشبه دهب وماس
بيك بتباهي وبكل خصايلك وأتمني لو أورث ربع جمايلك
أبويا العمر كله أنا ليك ممتنه
وبعد عمري ياروحي أتمني
أعيش خدامتك في الجنه .....
إرسال تعليق