عمايل المدام
من شعر العاميه
من
خواطر شاعر
(حد عنده مكان نبات فيه)
.......
المدام طالعه نازله هات معاك حبه حاجات
هات كوارع أعملها فته
معاها دِمْعَه
و بُهارات
وهات كمان معاك هريسه
وأوعى تنسى البقصمات
ولَّا أقولك كمان كنافه
بس تبقى مكسرات
وأوعى تيجى
بإيدك فاضيه
رُوُح على أمك
من سكات
كل يوم عل الحال دهوت
لما جابتلى الأهات
أعمل إيه
معاها طيب
بس قولوا
من سُكَات
وأما أحكى معاك حكايه تبقى سر للنهايه
كل يوم ألاقيها صاحيه
هات يا تفتيش
ف هدومى
ببقى عامل نفس نايم
بس متخبى
ف همومى
وأما عل الفلوس أدوَّر
أعدمك ماشفتهاش
أجى ف الكلام وأحوَّر
وأقولها طيب بلاش
حد عنده صِرْفه ليا
ولَّا كله نفس الحكايه
كله شايف و مطنش
وكلها عايشه الروايه
النهاردة خمسه منه
والفلوس عملت فرار
مستنى القبض أما ييجى
مستنى طلوع النهار
.......
محدش يقولهاحاجه
أنا كنت بهزر
...........
إرسال تعليق