لسه الحضن منك عمره ما أتحقق معاك
وإن مهما كبرت في سني عمري ماهحس
بهواك....
كل ما أجي ألقاك معانا ومش معانا
توجع قلبي إللي في هوانا .....
مهما أحاول بردوا يابا أقرب منك بلقي
قلبك ليه بيبعد....
زي غريب في بيته وعايش لنفسه...
مهما هحكي اللي في قلبي في سري...
هبكي بردوا وجوا مني...
ليه ناقصني اتدفي منك...
بس انت مش معانا...
نفسي أسأل أنت قلبك نوعه إيه...
عايشه بيه...
ولا أنت دفنه بكرهه لينا...
آه لو تعرف أنك واجع كل إللي فينا...
وأما يصرخ كل أخ تحس بينا...
ليه أكن الجفي صاحب مكانك...
وأن مش في عينيك حبة حنانك...
وأن مش بتسمع مهما كان فينا
إللي فينا...
زي قاصد أن نفسك ثم نفسك
والباقي مش منك وأهلك...
عارف أنك أنت هديتنا بهديه
كل واحد فينا جراح آزيه...
والتجارب في الحياه دي صعبه
مش عاديه...
قتلت الميت مراحل....
أيوه يابا ...
أيوه يابا كل يوم الكسره بتزيد من
الحكايه ومن الروايه ..
وكل واحد فينا فضله علي الهامش ملامح
نص عاش العافيه بيتعايش معايه...
أصل العمر لسه مش عارفه النهايه...
ومهما عدت وزيدت في الكلام حديد....
مش هتفهم أن حضنك شيئ أكيد ....
ومش هتحس بينا مهما وصفنا يابا ليك ...
روح روح الله يسامحك...
#شيماء المصري.
إرسال تعليق