رمضان شهر الرحمن
......
م السنه للسنه بنستناك
وقلوبنا عايشه بتهواك
بفرحه جميله
تهل علينا
شهر الخير والتبريكات
.....
بنغنيلك لما تجيلنا
أطفالنا كدا
ويا رجالنا
كله بيفرح
كله يغنى
ولبعضينا
كلنا بنهنى
......
يا مجمعنا
ليل ونهار
على موايدنا سحور افطار
ف وجودك
العيله ملمومه
والقعدة بالخير مزحومه
......
الله عليك
وعلى أيامك
يا معيشنا كتير ف جمالك
صوم بنهار
وصلاه وقرآن
والتواشيح عايشنها ريحان
......
وأما المغرب بتقرب تدن
تلقى ودانا
قاعدة بتسمع
صوت قرآن وبعده أذان
من رفعت والحصرى كمان
والتراويح متقلش عليها تلقاك عايش ملكوت فيها
......
شهر عبادة والخير ف زيادة بتخلينا ف أجمل عادة
بتيجى بفرحه وتمشى بفرحه
زى النسمه ف الليله الصالحه
......
وأما تقرب
كدا وتمشى
تلقى قلوبنا
عماله تشكى
لفراقك
وخلاص أيامك
ليل ونهار
قاعدة تناديك
متمشيش
الله يخليك
.....
يارب ديما
ف وصالك
ومايحرمناش
من أيامك
ياحبيبنا
ياشهر الرحمن
كلك صوم
وصلاه وإحسان
........
إرسال تعليق