خواطر المهندس الشاعر محمود فليفل

خواطر المهندس الشاعر محمود فليفل


ناس بتكوى ف الهدوم 
واللى كاوياها الهموم 
وناس بتغسل
 ف الكلاوى
واللى  عايشه بالكيماوى 
قد إيه ربك كريم
قد إيه ستره عظيم 
مش حارمنا الإبتسامة 
خيرك علينا يارب يامه
غيرنا عايش مستحيل 
يحكى هم بألف ميل 
بس مش حابب كلام
ناس كتير عايشه
 ف ألام 
بص ليها 
وقول تمام 
إحنا فى شهر الصيام 
دا ف ألامها كتير علام 
مد إيدك
 روح وساعد 
 والمعاصى
 إبعد وباعد
العمايل مش كلام 
ولاَّ كلمه بإنسجام 
العمايل إدين بتدى
ويقابلها قلوب بتدعى
ربنا هيقبل 
عبادتك
كله خير كله لسعادتك
وأما تبقى ف يوم  سليم 
إفتكر دى مش شطارة
ولا حتى كمان مهاره
دا فضل ربك العظيم 
بص بقى وخليك فهيم
أشكره بس وراضيه
ومد إيدك هتلاقيه
متقولش صحه
 ولاَّ جاه 
الحياه ليها إله.
ف لحظه 
واحدة
كله يخونك 
صحتك
 حتى  هدومك
علشان كدا
 بلاش غرور 
كل شيئ بإديه يدور 
حتى خلقه م الطيور
 رزقها محسوب عليه 
وحده بس رزقها
 تلقاه ف إديه
إرضى بس أنت بنصيبك
 واللى ليك
أكيد يصيبك
ناس زمان قالوها ليك 
إللى ليك أكيد يجيك 
ليه بقى كتر الشجار 
واللى حاير واللى غار
واللى من عمايله عيشته
 كلها بقت مرار 
الحياه فيها ساعات 
فيها إجابه وفيها راحات
وسعات كتيير 
فيها الهموم
بس قولى على مين تلوم
النعم بتزيد بشكرك 
وأما تيجى ف يوم تضل 
تلقى  خيره ليك يقل
هو دا فصل الخطاب
للى لف واللى داب 
واللى ع المعاص تاب

اكتب تعليق

أحدث أقدم