أنباء بلدنا

 

كتب : احمد سمير

عبدالرحمن رجب عبده27 سنة ثانوي عام ازهرى

شاب عادي زي اي شب مصرى من اسوان وعايش في القاهره في حدائق المعادي

 يقول عبد الرحمن بحب الكورة جدا ومع الوقت عرفت لقيت صحابي بيشبهوني بي الاعب السنغالي ساديو ماني مكنش لسه في الليفربول لما لعب لحساب الليفربول ولعب مع النجم الكبير محمد صلاح  أكتشفت موضوع الشبه بيني وبينه وبقيت اتابع الماتشات وده كان في اول ٢٠١٩ وسبحان الله كانت نفس السنة الي الأمم الأفريقية هتتلعب في مصر فا قولت فرصة اروح اشوف ماني في الاستاد ومن هنا بدأ الموضوع اني عايز اتصور مع ماني روحت اول ماتش لي فريق السنغال اكتشف اني الناس بتقولي انت شبيه ماني وبتتصور معايه ومن هنا كانت بداية الشهره بتعتي ومعرفتش اتصور مع ماني اول ماتش روحت تاني ماتش وتالت لقيت نفسي انا بروح أشجع الفريق ومش عارف اتصور مع ماني بردو والناس بتصور معايه وبتشهر وانا مكنش هدفي من البدايه بس يشاء القدر المهم واحد صحبي حارس مارمي كان في المعسكر بتاع السنغال فا كلمته رحب بي الفكره وروحت اتصور مع ساديو ماني وهو اول مشفني استغرب وضحك معايه وهزر معايه وانا حضنته واتصورت معاه ونزلت الصورة والصورة انتشرت علي الميديا وبعدها كلمني الفنان محمود السيسي وعملنا فكرة فيديوا كوميديا ونجحت ومن هنا ابتديت أعمال فيديوهات وبقيت مميز شوية يمكن شبيه ماني بس مش شبهوا في كل حاجه يعني ماني بيلعب كورة وانا بحب اغاني راب وبعمل محتوي كوميدي ولقيت الناس مرحبه بي الفكره وطلعت علي السي بي سي مع استاذ عمرو خليل وفي قناة الحياة مع أستاذ عمرو الليثي وحاليا في عروض بتجيلي إعلانات احيانا أزور مستشفيات يعني الحمدلله وفي نفس الوقت بحاول اخليني مختلف شوية بي الشغل أو الفيديوهات الي بتنزل علي الميديا لدرجة اني الناس مسمياني بودي ماني وملقبني بي ماني الغلابة

كلمتين للشباب طالما انت بتسعي ونيتك صافيه وعايز تنجح اشتغل اكتر وربنا هيكرمك مع الوقت ربنا مش بيضيع تعب حد انا محدش كان عرفني ومره واحده لقيت نفسي بطلع في تلفزيون وفي الميدا وشبيه لاعب عالمي فا متعملش بكره مخبي اي انت اعمل الي عليك وربنا هيكرم

النجاح سهل وربنا بيقسم الأرزاق والفرصه حتيجي من أي اتجاه متقلقش وسلمها لله