نورهان الرياني
التقي الإعلامي احمد الحديدي والإعلامي محمود النحاس، بالفنان الكبير
"إحسان ترك"، ببرنامج "طريق النجاح"، المذاع علي قناة الحدث
اليوم، وذاك في حوار من القلب لعرض احداث حياته الفنية، في حوار من القلب.
واليكم نص الحوار......
الاعلامي "محمود النحاس":
حضرتك طبعا اشتغلت مع الزعيم عادل إمام والفنان أحمد زكي شايف الناس
العملاقه دول كانوا بيتعاملوا معاك ازاي في الكواليس؟
وأجابه الفنان إحسان ترك: "والله كانوا معايا في منتهي الرقي و الجمال
ده بنسبه ليا ..
انا افتكر موقف للأستاذ أحمد زكي الله يرحمه كنا بنصور في الساحل علي
البلاج في فيلم معالي الوزير و كنت طالب قهوه و البوفيه جايب مشاريب للأستاذ
أحمد زكي و معاه اتنين
و انا مستني القهوه اكتر من نص ساعة،
أحمد زكي قاله حالا تجيب للفنان إحسان ترك قهوته وانا مش هاشرب قهوتي و لو
مجبتهاش لي انتا الجاني علي روحك و حساب استاذ إحسان عندي انا خلاني في اليوم ده
مشربتش حاجه في اليوم دا".
كما طرح الإعلامي "محمود النحاس" سؤالاً أخراً:
عملت ايه في الاختبار لما حضرتك بدأت في المشوار الفني مع المخرج الكبير
يوسف شاهين؟
وأجابه: "لما طلبوني و كنت بقول مكتب يوسف شاهين مين دا يا عم،المهم
دخلت علي مكتبه و هو ماسك سيجار و شافني و كانت نظرته ليا فيها احتكار شافني لابس
بدله و شياكه
قالي تعرف تعمل واحد عبيط!
فماردتش عليه و طردني برا مكتبه وقالي اطلع بره".
وأضاف "النحاس" مثيرا للجدل:
ليه لما بنجيب سيرة الاب ليه بحس في دموع في عينك؟
وأجابه: " بأهدي شويه عشان كدا هبكي والدي حاله خاصه كان معايا معرفش
اقولك يا محمود كان نفسي يبقي عايش النهارده و انا في الست دا و اقعد ابوس
رجله".
وحاور الإعلامي "أحمد الحديدي" الفنان إحسان ترك وطرح عليه سؤالا
هاما:
ايه اللي حضرتك بتتمناه في الفتره اللي جايه و نفسك تحققه عموما؟
وأجابه: "اللي بتمناه يا احمد شغل يتصلح حاله الفتره اللي جايه شغلانه
الوحيده اللي مفيهاش ده كبر و ده سن معاش
افتكر الفنانه امينه رزق كانت بتيجي من حبها للفن كانت بتيجي بعربيه
الإسعاف و كانت بتمثل و تبدع و مش بتنسي كلمه من السيناريو".
كما طرح الإعلامي "أحمد الحديدي" سؤالا أخرا:
هل صوت الفنان و تكوينه الجسماني عموما و هيئته؟
وأجابه: "دايما بظهر في أعمال زي عضو مجلس نواب او رجل أعمال، وانا كل
اعمالي مبسوط بيها والله وبحب شغلي جدا جدا، وللأسف زعلان علي حالي دلوقتي و ده
اجبرني اني استغيث للفنان محمد رمضان في مسلسل جعفر العمده
و لما روحت موقع تصوير المسلسل
وجدت محمد رمضان يستقبلني بابتسامة ويحتضنني وهو يعاتبني قائلاً:
(ينفع كده يا عم إحسان ده أنت أبويا)".
وكان إحسان ترك قد كشف عن مروره بظروف صعبة جعلته على وشك الإفلاس واضطرته
إلى بيع أثاث بيته نظراً لقلة مشاركته في الأعمال الفنية، حيث قال:
"أنا بدأت أبيع عفش بيتي
ومفيش حد من الزملاء بيسأل عليا ".
وأضاف: "بتمني يا احمد كمان ان شغل حاليا يتصلح حاله و نش بتكلم بإسمي
بس بتكلم بإسم الفنان توفيق عبدالحميد و عبدالرحمن ابو زهره".
واختتم "الحديدي" الحلقة بسؤال:
من وجه نظر حضرتك افضل مخرج من زمن
الفن الجميل و مخرج في الوقت الحالي؟
وأجابه: "انا اشتغلت مع مخرجين كتير أمثال مجدي أبو عميره و محمد النقلي و يوسف شاهين و رباب حسين و أحمد
يحيي و أحمد السبعاوي ابراهيم الشوادي،
اللي اقدر اقولك عليه معتز التوني
ومحمد سامى
.
إرسال تعليق