وبيك الدنيا تضحكلي تغنيلي
بطير الحب ورسايله تواسيني
ورسمت حرفك علي إيدي
وفي وريدي
وقفل قلبي علي حبك
وبقا دمي أهو بدمك
ووعده بأنه هيديملك
بنبض قلبي إللي حركته
وشقلبته
وكتب كتابنا سجلته
وبأسمي وأسمك أنا قبلته
وبأن بقيتلك انا حلالك ودلالك
وبيت قلبك فتحهولي بتحضني
وبتطبطب وبتشيلني علي كتفك
حمولي كتير بتستحمل تمد الأيد
دا انا جمبك
وعاش الأسد بطلي يقوي شجاعتي
على ضعفي
ونصر حياتي علي كفه ودا بفضله
تحيه لراجلي علي حربه بمشاكلي
بسندة عكاز بيسندني يعالج قلبي
إللي كان جارح وميت لما كان
وإمبارح
فتحلي الحب والدنيا وورد الجنه وأداني
خطفني بروحي ونداني
ودوا قلبي وهواني
في حبك شيئ جميل يتحس دا
صعب يتوصف بكلام
دا لمسة تمس وتكهرب بقلب اتنين
كلامهم لغز مش موصوف وميفهموش
غير العاشق
ربطت حبي بجنزيرك بقفل يدوم
العمر ويسلم
عرفت الكلمه ومعناها بسحر عينيك
وكتباها
خيالك ضلي ودا حمايتي إللي في
غيابك
عارف بابك أمان حضني وستري
إللي في الدنيا نجدني
حفظت قلبي ومحيت خوفي إللي
راعبني
دا عشقي إللي حفرو في قلبي
ومضي زكراه بختم الحب
طول عمري
#شيماء المصري.
إرسال تعليق