شيماء المصري تكتب: أنا لسه طفلة

 

 وإن كنت كبرت أنا لسه طفله ...

ولسه مستنيه شيلتك ..

وأن هركب بسكيلته ...

وإن أحس لحظه حتي 

إن أنا حيته منك ...

كل بيت في حياتكو لون...

إلا بيتي سواد في عيني...

وزي كل حكايه ناقصه 

صعب ألملم حته فيها ...

وفي عيوني دابله شمعه ..

والسواد في وشي مطفي ..

ولو هقول للأهل آه...

مش هنسمع غير آهااات..

هبكي هبكي وجوه مني ..

هبكي وأحبس دمع عيني..

كل ظلم بيلاحقني هو 

بختي ومش سايبني..

وبواسي نفسي وأحضني ..

وأقول الجنه جيالي ..

في دنيا الحظ فيها غالب..

وبخت الطيب فيها ميت ..

تقولي عيشي لسنك 

هقولك سني ضعف ما عيشت ..

يارتني عجوز بعكازي 

وأعيش لو لحظه متهني ..

في كلمة حظ مشطوبه

في قاموس ١٠٠ورقه وفي صوره..

ورمل الأرض محفوره ..

بتحفر حفره لنهايتي...

وبتخيل بأن هروحله.. 

فماشيه طريقي وبسلم ..

وأضعف من أن أتكلم..

فتيجي إيديا علي قلبي.. 

تطبطب علي كل أوجاعي ..

تلم تلم وتعبي..

في بنك الحظ وتسجل ..

كعادتي أحوش وأعدي ..

ورسم الحزن علي خدي ..

وأقول لنفسي معلشي..

       #شيماء المصري.