كرهتك كدبه في كتابي
وبضحك بيها علي نفسي
في قصه كبيره وعريضه
تمنها الساغه والسيغه
وشعر في شعر بكتبله
وكل الحاره تشهدله
علي اللي قضيته ورسمته
بعكس حبك مالوش قيمه
اكنه فيلم في السيما
وأخرجته وخلصته
ففكرك ان هنسي قوام
وكله عندك هيبقي تمام
لا هنسي ضعفي ان محتني
بصدمة انك مش ليا
ودبلت ايدك اللي في إيديها
وضمك ليها مش ليا
ولا انسي كل جرحي بإيدك
ووجعي وشمعتي بتطفي
دي الحياه حبيتها معاك
لما ضمتني في حضنك
واما دفتني بقربك
واما غنتلي بشوقك
ولا بعلو صوتك
وانت بتقولي بحبك
طولتني السما والنجوم والقمر
وفجاه قلبك اصبح حجر
لاقيت شيطان في هيئة ملاك ظهر
وفي وقت الادان والحرب حضر
فلاقيت نفسي في قوم قش
في عز البرد وبكش
بطفله بتبكي وطالبه الناجي
ومطر الدمعه في عينها بتأذي
كنت القربه منك جنه
مابالك بعدك بقي عذابي
وانت بيعت مع ان غاليه
غاليه ومش ممكن تتهد
وكسرها اغلي حد
قولي فاكر ولا نسيت
ده يبقي وللهي عيب عليك
انا اد ايه حبيتك وبحبك
حتي اسال اختك وصاحبتك وصاحبتي
بأن انت كل دنيتي وجنتي
واني كنت شمس تتمني تطول نوري
وتتمني الرضا ارضي
ومش هقولك لما بيعت عملت ايه
خسرت كل احساسي معاك
سرقته وخونته وقضيت عليه
بس خليك فاكرها تمام
ان لو رجعت تقول كلام
ولا وعود واهتمام
مش هتلاقي مني غير سلام
لو هدوس بجزمتي علي قلبي
ولا تكسرشي مرايتي كرامتي ياصدمتي
وتقولي انسي وخلينا اصحاب
لا حلوة انهي اماره وانهي حق وانهي دين يثبت كلامك
ده انا كنت امنيه تتمني تحققها
وتكتبها علي اسمك
وان كنت نسيت افكرك
وان كنت نسيت افكرك بالزمن والايام والصحاب
ده حتي العيش والملح يشهد في بيت حبنا
وتقولي انسي
ده صعب يتنسي
ده القزاز والكوبايه والمرايه لو انكسرو مبيرجعوش
ولا يتلزقوش
وانت كسرت كل حته فيا
فكرك يعني ان انسي
ده انا كل حته بعدي منها ريحتها طيفك
ونورعيني تشوف في سماها ضحكك
فيبكي قلبي بحرقة ناري
وانادي في ليلي انادي عليك
ولا انت داري
يا ليل لو تحكي اتكلم
علمه معني الحب علم
وانا بحكي وخلاص بسلم
ده كرهت ابص للقمر
عشان بشوفك فيه سهر
في تعبي واشواقي وحيرتي
وتفكيري
ويزيد المي بذكراك
ولو قررت انا والليل بنسيانك
بتغللبني دقاتي
واهو كله راح معاك ليها
طب كنت الاول متوعدشي
ومتقولشي
وتقول كلام في الهوا
ووقت ما جرا اللي جرا
هديت كل اللي اتبني
سلمت وتقولي حبيت
حب ايه اللي انت جاي تقولي عليه
حب ايه اللي انت جاي تقولي عليه
#شيماء المصري.
إرسال تعليق