لما تحس ببعد حبيب
لما الشمس بنورها تغيب
لما الجرح بينزف دم
والروح بتروح ويا الغم
والشعر من الجرح يشيب
لما آلام الكون تتجمع
فينا فلحظة ظلم قريب
لما كلاب الأرض بتنبح
على أسيادها ماتعرف عيب
تبقى الدنيا خلاص بتودع
والأيام الحلوه بتخدع
أوعى ساعتها تقولي ياصاحبي
إن ده كله قدر ونصيب
لما نحس إننا أشباح
صوره مزاجها مش مرتاح
بنحاول نعمل عايشين
ونميل مش عارفين على مين
أوهامنا بتزعج أحلامنا
حتى صديق العمر غريب
ماتقوليش قسمه ونصيب
لما أمان الدنيا يروح
ولا تعرف تصدح وتبوح
والكلمه بتسكت في عروقك
والحزن يزيد ويا النوح
تبقى الآخره قريبه منك
والخير كله بيبعد عنك
هنا كده لازم تعرف إنك
بتشطب وحتبقى كئيب
أيوه ده كله قدر ونصيب
داحنا اللي بنكتب أقدارنا
وبنرسم بيها أفكارنا
وبنفرح وبنزعل منها
ونزقطط لو جرح يطيب
أوعى تقولي قدر ونصيب
داحنا ضميرنا اللي بيوجعنا
والذكرى الحلوه ترجعنا
وبنكتم على طول أوجعنا
لاجل ما كل الناس تستجدع
وتقدرنا وتطلع مجدع
والمشكله إننا بنودع
كل الدنيا في يوم حنسيب
لما تحس ببعد حبيب
فعلاً يبقى قدر ونصيب
الوداع قدر ونصيب
بقلم: د.محمد فاروق أبوعلو
إرسال تعليق