فى دائرة الضوء......ريهام الشنوانى نجمة على الطريق


كتب ..احمد سمير

ريهام الشنواني ممثله و مضيفه طيران
 من اسكندريه خريجه تجاره انجليزي اقتصاد اخر اعمالها في الفن عزه ابو الهنا في راجعين يا هوي و ميس اميره في دائما عامر
بدأ حلم التمثيل عندها من و هى  صغيره اوي بس طبعا كانت كل معرفتها بيه انه بيتخرجوا من كليه التمثيل بس عشان  كانت  صغيره و  بعد الثانويه عامه ارادت دخول  معهد فنون مسرحيه قوبل  دا بالرفض نظرا لعاداتنا و تقالدنا و خصوصاانها من اسكندريه و طبعا مكنش قدامها حل غير انها تدخل  كليه تجاره انجليزي قسم اقتصاد رغبه للاهل و تروح سنين و تيجي سنين 

وتكمل ريهام الحكاية و تقول اشتغلت في الطيران بالصدفه و الحظ و النصيب بعد وفاه والدي و كنت نسيت خالص التمثيل و سافرت بره مصر اشتغلت في شركه طيران في الامارات بس طول الوقت كنت بقول لنفسي د ا مش مكاني هنا و اتفرج علي التلفزيون و اقول انا نفسي ابقي هنا مكانهم و لظروف صحية لولدتي نزلت مصر و استقلت و قدمت في مصر الطيران و بردو بالحظ و النصيب كان ليا رزق فيها ربنا دائما بيبقي عالم بالحال لان  فعلا ظروفي كانت لازم ابقي جنب والدتي و قدمت في ورشه محمد صبحي و اتقبلت و كنت بروح الكيلوا ٥٠ 
٣ مرات في الاسبوع و لظروف الشغل مكملتش و بعدها فضل الحلم يطاردني و كان طبعا في بيت و زوج و امي و شغلي و فضلت مصممه علي حلمي و بسعي فيه لحد مدخلت عند استاذ خالد جلال مركز الابداع كان عن طريق استماره و صوره قديمه بإبتسامه و فعلا كلمني و رحت و التحقت بالورشه و كنت بطلع الرحلات الصبح و اروح اطبخ و انزل علي المسرح يا اروح المسرح و اطلع الرحله و طبعا دا مجهود و تعب جدا لمده ٣ سنين و كان صعب اعمل دور فيهم عشان المسرح بياخد كل الوقت كنت ساعات بعمل اعلانات مع كل دا بس اتعلمت في السنين دي كتير اوي في الحياه و التمثيل لحد متخرجت من و اقدرت اقف امثل قدام كل الناس و بدأ يجيلي ادوار من المخرجين الي شافوني في الورشه ايام مكنت بعرض و كلوا بالنصيب و الحظ و علي الواحد ما بيتعب و يجتهد و يصدق حلمه ربنا بيرزق من حيث لا تحتسب
للشباب علي لسانها
خليك دائما مصدق حلمك و اجري وراه و اعمل الحاجه الي بتحبها حتي لو فيها شقاء و تعب و في الاخر ربنا عمره مابيكتب بيعمل حاجه وحشه و كلوا لحكمه و بنعرف دا بعد فتره انه كان خير المهم نعمل الي علينا و عمر ربنا ماهيضيع تعب حد هدر

اكتب تعليق

أحدث أقدم